Mendiburue izeneko mendiari buruzko ekintza sorta antolatu du Gazte Pikuk

Legorretako Gazte Piku asanbladak hainbat ekintza antolatu ditu datozen bi asteburuetarako 'Mendiburue' izenburupean. Lehen ekitaldia gaur arratsaldean izango da, otsailak 4. 'Pamir-distantziak' ikus-entzunekoa proiektatuko da 18:30ean eta Joseba Iztueta alpinistarekin solasaldia egingo da ondoren.

Hurrengo ostiralean, ostsailaren 11an, Maria Francisca Mas idazle mallorkarrak 'Escalantes. Escalada desde el feminismo, narrativas y experiencias' liburua aurkeztuko du. Hilaren 12an, larunbatean, aldiz, Intxurre mendira mendi-buelta egingo dute Gaztetxetik abiatuta 9:00etan.