Mugikortasun plana osatzeko galdeketa banatu du udalak

Legorretako Udala mugikortasun plana osatzen ari da, Endara Aholkularitza etxearen laguntzarekin. Momentu honetan lehen diagnostikoa egiten ari dira eta, hori osatzeko, herritarren ekarpenak jasoko dituzte. Horretarako galdetegi bat banatu da etxez-etxe. Online ere bete daiteke, Legorretako Udalaren web-orrialdean dagoen estekaren bidez. Etxean jasotako galdetegia udaletxean entregatu beharko da.

Lehen diagnostikoaren emaitzak irailean aurkeztuko dira eta proposamen gehiago ere egin ahal izango dira aurrez aurreko saio batean.