Legorreta

Musika eskolaren zerbitzua hobetzeko prozesua martxan galdetegi bidez

Udalak musika eskolaren zerbitzuaren eta erabileraren inguruko galdetegia abiatu du webgunean, jada eskaintzen den zerbitzua hobetzeko asmoz. Jasotzen diren erantzunak baliagarriak izango dira balorazio zehatzago bat burutu ahal izateko. Herritarren ikuspuntua garrantzitsua dela adierazi du Udalak, eta hori dela eta, parte hartzeko gonbita luzatu dio biztanleriari. Guztiz anonimoa izango dela aurreratu dute eta erantzuna emateko azkeneko eguna otsailaren 23a izango dela adierazi dute.