'Noraren sekretua' txotxongilo emanaldia bihar Herri Antzokian

Rosa Martinezek 'Noraren sekretua' txotxongilo ikuskizuna eskainiko du bihar, otsailaren 13an, Legorretako Herri Antzokian. Emanaldia doan izango da eta 18:00etan hasiko da. Ikuskizunak eskola-jazarpenaren gaia lantzen du mahaiko txotxongiloen bidez. Bost eta bederatzi urte bitarteko haurrei zuzenduta badago ere, gurasoek eta adin hauen inguruko haurrek ere ikuskizunaz gozatu dezakete.

Ikusleen edukiera mugak bertan behera geratu berri direnez, edonor joan ahal izango da ikuskizunera, baita Legorretatik kanpokoak ere.