Perli eta Koxkolo, hilaren 28an, Legorretako Ipuinaren orduan

Gabonetan ere ez du hutsik egingo Ipuinaren orduan. Datorren asteazkenean, abenduaren 28an, Perli eta Koxkolo izango dira Legorretako Patxi Ezkiaga Kultur Etxean 18:00etatik aurrera. Zazpi urtera bitarteko haurrentzako 'Bidaia liluragarria' izenburuko saioa aurkeztuko dute.

Perli eta Koxkoloren emanaldiak ipuin kontalarietatik haratago doaz, interpretazio- eta narrazio-espazio zabalagoak hartuz. Benetan, ikuskizunaren ardatza haurrentzako ipuin bat interpretatzea eta gogora ekartzea da, «baina haurrentzako musikal baten antz handiagoa duela sinestea gustatzen zaigu, Brodway-renak bezala, baina hainbeste serpentina eta konfetirik gabe, eta euskal labeldun».