Plazako pilotalekuko argiteria berritu du udalak

Azken egunotan plazako Toki Alai pilotalekuko eta Lardizabal eskola ondoko areto-futbol zelaiko argiteria berritu du Zaldibiako udalak. Lehen zeuden 400 watioko argi zaharrak kendu eta 196 watioko berriak jarri dira beraien ordez. Aldaketa horrekin, argindarraren kontsumoan aurrezpena lortzeaz gain, frontoiko erabiltzaileentzat argiztapen egokiagoa da. Datozen egunotan Resti pilotalekuko argiteria aldatuko da, herriko argiztapenari dagozkion lanak amaitzeko..