Borrar

Legorreta

'Tabuen kutxatik oholtzara' saioa igandean Legorretan

J. Z.

legorretA.

Lunes, 13 de marzo 2023, 21:17

Igandean, hilak 19, 'Tabuen kutxatik oholtzara' bertso saio musikatua eskainiko da Legorretako Herri Antzokian. Saio solidarioa, Emakumeen Nazioarteko Egunaren besapean iritsiko da herrira eta minbiziaren inguruko tabuak eta gaixotasunak sorrarazten dituen arazoak plazaratzea eta normalizatzen laguntzea izango du helburu. Bertan bildutako dirua, Inurri elkartearen proiektuari helaraziko zaio. Inurri elkarteak, minbizia pairatzen duten pertsonei laguntza emateko lan egiten du. Laguntza hori, alor ekonomiko zein psikologikoan banatzen dute, eta bertan murgilduta dauden pertsonekin lan egiten dute gaixotasuna ahalik eta modu 'leunenean' gainditu ahal izateko. Maialen Akizu, Oihana Iguaran, Ane Labaka eta Alaia Martinek eskainiko dute igandeko saioa, eta Amaia Agirre arituko da gai-jartzaile lanetan. Musika berriz, Ixak Arruti eta Gari Otamendiren eskutik helduko da. Arratsaldeko 18:00etan emango diote hasiera saioari eta sarrerak, goizez, Legorretako udaletxean eta arratsalden, udal liburutegian daude eskuragai. Gainera, Inurri elkarteak bere webgunean ere salgai jarri ditu.

Desfibriladore kurtsoa

Desfibriladore tailerrak ere burutuko dira hilabete honetan honetan. Alde batetik, gaiarekiko ezagutza dutenek, errepaso moduko saio batez gozatzeko aukera izango dute, eta bestetik, ez dakitenentzat, ikasteko bi saio antolatu ditu udalak. Errepaso saioa hilaren 15ean izango da, eta ikasteko saioak, 22an bata eta 29an bestea. Hiru saioak udaletxean eskainiko dira, arratsaldeko 18:00etatik 20:00etara.

Esta funcionalidad es exclusiva para suscriptores.

Reporta un error en esta noticia

* Campos obligatorios

diariovasco 'Tabuen kutxatik oholtzara' saioa igandean Legorretan