Legorreta

Udalak euskara eta pilates kurtsoetako izen-emate epeak zabaldu ditu

Udalak 2024/25 ikasturterako bi ikastaroen matrikulazio epeak ireki ditu, herritarrei hainbat aukera eskainiz. Lehenik eta behin, urtero bezala, euskara ikasteko eskaintza zabalik dago irailaren 27ra arte. AEKn eskuragarri dauden ikastaroek maila guztiak (A1, A2, B1, B2, C1 eta C2) eskaintzen dituzte, eta titulu ofizialak lortzeko aukera izango da. Gainera, ordutegi eta modalitate ugari proposatzen dira: aurrez aurreko klaseak, autoikaskuntza, online formakuntza, guraso taldeak, jubilatuentzako ikastaroak, AISA programa eta mintza-saioak. Horrela, herritar guztiek izango dute euskara ikasteko edo hobetzeko egokitasuna. Informazio gehiago eskuratu nahi dutenek, 943 88 91 74 zenbakira deitu, edo ordizia@aek.eus helbidera idatzi edo 943 88 93 40 edo beasain@aek.eus helbidera idatzi ahalko dute, zalantzak argitzeko.

Pilates ikastaroko matrikularen kostua 405 eurokoa izango da, hileroko kostua 45 eurokoa izanik. Izena emateko epea datorren ostiralean amaituko da, irailaren 13an, eta izen-emateak Kultur Etxean edo kultura@legorreta.eus helbidean egin daitezke. Udalak herritar guztiak animatu nahi ditu ikastaro hauetan parte hartzera, euskara ikasiz edo pilates praktikaren bidez aktibo egonez, eta beste alde batetik, herritarren arteko harremanak eraiki eta mantentzeko.