Legorreta

'Ume jaio zara. Hilerokoa izango duzu. Ama izango zara' ostiralean Herri Antzokian

Datorren martxoaren 3an, hau da ostiralean, arratsaldeko 18:30ean, Jennifer Arevalo Da Silva Legorretarraren 'Ume jaio zara. Hilerokoa duzu. Ama izango zara' ilustrazio digital lanaren aurkezpena burutuko da Legorretako Herri Antzokian. Amatasunaren ibilbidean dauden tabuak behatzen dira bertan, ilustratzailearen bizipen per-tsonaletik sortutako ilustrazioak eskainiz. Haurdunaldia baten esperientzia, bertan jazotako galera bat, honek dakarren dolua, berriro ere haurdunaldia bilatzea, honen gaineko tabuak, bakardadea,... bezalako gaiak ikuskatzen dira bertan. Aurkezpenaren ondoren ere, erakusketa bat eskainiko da udaletxean, aipatutako piezak ikuskatzeko aukera izanez.

Marxoaren 6tik 10era egongo da ikusgai, eta 20 bat pieza ezarriko dira, tamainu ezberdinetan. Pieza guztiak ilustrazio digitalak izango dira, baina teknika ezberdinak erabili dira hauek sortzeko, akriklikoa, oleoa, arkatza,... hauek guztiekin, textura ezberdinak lortu ahal izan ditu Arevalok.