Xendapedalak Mendi Bizikleta Martxa antolatu du Pikuk Kirol Klubak

Hirugarren urtez Xendapedalak Mendi Bizikleta Martxa antolatu du Pikuk Kirol Klubak. Martxa datorren urriaren 8an egingo da, larunbatean, baina izena ematea jada irekita dago Kirolprobak.com web gunean. Izen ematearen prezioa 30 eurokoa izango da federatuentzat eta 35 eurokoa federatuak ez daudenentzat.

Mendi bizikleta martxa Legorretatik aterako da goizeko 9:00etan eta bi ibilbide egongo dira aukeran. Bata 27 kilometrokoa, 850 metroko desnibelarekin, eta bestea 36 kilometrokoa, 1.600 metroko desnibelarekin. Proba 16 urtetik gorakoei zuzenduta dago. Txikiek 'Adin Txikikoen Baimena' bete behar dute.