Zainduz Zaindu programa eskainiko du Udalak

Hasi berri den ikasturtean Zainduz Zaindu programa berriro martxan jarri du Legorretako Udalak. Zaintzaileei zuzendutako saioak egingo dira hilean behin, urritik ekainera bitartean. Nerea Redondo Otamendik gidatutako saioak izango dira, autolaguntza talde batean oinarrituak, zaintzaileek beren burua zaindu dezaten, elkarri entzun, hausnartu eta elkarrengandik ikasteko aukera izanez.

Lehenengo saioa gaur asteartea, urriaren 4a izango da, 15:00etatik 17:00etara. Izena emateko edo informazio gehiago eskatzeko udaleko Gizarte Zerbitzuetara jo beharko da 943 085 290 edo 688 829 013 telefono zenbakietara deituz edo gizarte@legorreta.eus helbidera idatziz.

Aldaieta jubilatuen elkarteak txangoa egingo du Elizondora urriaren 11an. Joan nahi dutenek gaur dute izena emateko azken eguna, elkartean bertan. Irteera goizeko 9:00etan izango da, ohiko lekutik, eta 30 euroko prezioa izango du.