Tolosa Goierri

Sutarri dantza taldeak ikuskizun berezia eskainiko du bihar Elorri pilotalekuan

Sutarri dantza taldeak udaberriko emanaldi berezia eskainiko du bihar ostirala, apirilaren 11a. Tradizioaren hausnarketa hartu dute abiapuntu ikuskizun honetarako, 'zein izango da etorkizuneko tradizioa?' izenburua jarri diotena.

Adin eta maila ezberdinetako dantzariek parte hartuko dute emanaldian. Ikuskizuna Elorri pilotalekuan eskainiko dute, 22:00etan doako sarrerarekin.

Inaxio Begiristain Kirol eta Kultur Etxea itxita egongo da apirilaren 14an, 15ean eta 16an, astelehenetik asteazkenera. Aste santuko oporren ostean zerbitzuek ohiko ordutegia berreskuratuko dute apirilaren 22tik aurrera.

Kultur Etxean dagoen hondakin organikoarentzako poltsen makina erabiltzeko txartela beharrezkoa dela gogorarazten du Alegiako Udalak. Txartelak udaletxeko lehen solairuko bulegoan hartu daitezke astelehenetik ostiralera 9:00etatik 14:00etara. Etxebizitza bakoitzeko txartel bat banatuko da eta horrek bi hilero poltsak hartzeko aukera ematen du.