Azaroak 25aren arira Aiztondon hainbat ekitaldi egingo dira

Azaroak 25aren atarian Aiztondoko mugimendu feminista martxan da eta Indarkeria Matxistaren Aurkako Nazioarteko egunerako hainbat ekitaldi antolatu dituzte urtero bezala bailaran «beldurraren eta kontrolaren aurrean justizia feminista» aldarrikatzeko.

Lehen ekitaldiak aste honetan hasiko dira. Ostiralean, azaroak 18, bi ekitaldi izango dira. Lehena, Amasa-Villabonako Txoko morean izango da, biolentzia obstetrikoaren inguruko hitzaldia eskiniko du Nahia Alkorta Elezgaraik, 18.00etan. Bigarrena, Zizurkilen, Itzal taldearen kontzertu akustikoa Joxe Arregi plazan. 20:30ean hasi eta ondoren solasaldia izango da.

Azaroaren 25ean, karro poteoa egingo da 18:00etan Villabonako plazatik hasita eta, 18:45ean Emakumeen Irradaka egingo da Joxe Arregi plazan. Entsaiatu nahi duenak, 18:30ean azaldu beharko du. Irradakaren ostean, 19:00etan, elkarteratze ibiltaria egingo da Zizurkildik Villabonara eta 19:30ean, Berdura plazan egunari lotutako ekitaldia. Eguna amaitzeko, 20:30etik aurrera, pikoteoa eta karaokea izango dira Villabonako gaztetxean.

Nerea Arriola aktoreak 'Mikotik...', umorezko bakarrizketa eskainiko du gaur Aljiben, 19:30etik hasita. Bertan, youtuber ezagunak euskaldunen ahaleginak, atsekabeak, pozak, zalantzak, bitxikeriak... izango ditu berbetagai ikusleak egoeran jarri eta hausnarketa probokatzeko helburuz, beti ere umorez, onez zein txarrez. Emanaldia doan da.

Ahobizi eta Belarriprest txapen banaketa hasi da. Gaur goizez 10:00-14:00 bitartean Udaletxeko euskara zerbitzuan eta arratsaldez. 17:30etik 19:30eran Aljibeko sarreran jaso ahal izando dira. Bihar aldiz, arratsaldez berdura plazan.

• Temas
• Guipúzcoa