Villabona

Behar Zanako Eizagirre eta Iraola garaile Lizarrako XVIII. Txapelketan

Behar Zana pilota elkarteko pelotari gazteak udako txapelketetan murgilduta dabiltza. Joan den asteburuan, Beñat Eizagirrek eta Aiert Iraolak ikasturtea borobiltzeko emaitza ezinhobeak lortuz jarraituz, Lizarrako XVIII. Txapelketan txapeldun izendatu ziren. Behar Zanako bikoteak Olano eta Agirreren aurka irabazi zuten 18-13.

Era berean, Donostiako Trinitate plazan jokatzen den 'Abuztuak 31' Txapelketaren baitan, taldeka ere parte hartzen du Behar Zanak, alebin eta infantil mailan. Astelehenean jokatu zituzten final laurdenak Larraul elkarteko pilotarien aurka, aldeko emaitzekin. Alebin mailan, Eizagirre eta Iraolak 16-6 irabazi zuten Goikoetxea eta Zabaletaren aurka, eta infantil mailan, Iparragirre eta Iraola 18-8 gailendu ziren Bildarraz eta Ijurkori.