Gau Beltzak aurtengoan bi eguneko egitaraua izango du

Gau Beltza herrian ospatuko da, gaur eta bihar, Zunbeltz elkarteak antolatuta. Gaur Kalabaza tailerra 12:00etan Errebote plazan. Bihar Gaztelekuan 17:00etan Amasa-Villabonako arimen istorioak eta ipuin beldurgarrien kontaketa, 4-8 urte bitartekoentzat, eta 18:00etan Gau Beltza kalejira herrikoia Gaztelekutik abiatuta. Sorpresaz beteriko beldur ibilbidea izango da. Ondoren, dantza, gaztainak eta suzko akerra herriko plazan. Oharra: kalejirara haurrak mozorrotuta joan beharko dute.

Asteartean Santu Guztien Eguna ospatuko da eta autobus zerbitzua egongo da Villabonatik Amasako kanposantura eta alderantziz. Zerbitzu honek ordutegi hau izango du: Olaederra kiroldegian 9:30ean, 10:30ean, 11:30ean, 12:30ean eta 13:30ean eta Amasan 10:00etan, 11:00etan, 12:00etan, 13:00etan eta 14:00etan.