Erraldoiekin egingo da bihar Gabonetako kantu-kalejira

Gabonetako kantu-kalejira egingo da bihar. Hiru ikastetxeetako ikasle eta irakasleek, herritarrekin batera, kalejira egingo dute herrian zehar Gabon kantak abesteko. Taldea 11:30ean aterako da Erreboteko plazatik eta Santiago Egoitza kantuz alaitu ondoren, Malkar plazan eta Txistulari plazan ere egingo dituzte geldialdiak. Besamotza konpartsako erraldoiek ere parte hartuko dute kalejiran.

Erniobea BHIko ikasle eta irakasleek urteroko Gabonetako Azoka berezia egingo dute gaur Berdura plazan. Postuen irekiera 9:30ean egingo da eta ondoren Kantu-jira egingo dute.