Hamabi kultur ikastaroren eskaintza zabalik

Udal Kultura Sailak hamabi kultur ikastaroren eskaintza prestatu du 2022-2023 ikasturte berrirako, urritik ekainera, adin guztietako pertsonentzat eta sormena, ongizatea eta garapen pertsonala sustatzera bideratuta. Ikastaroen izen-emateak bihartik irailaren 30era arte egin ahal izango dira, modu telematikoan, eta www.villabona.eus webgunean argitaratuko den inprimakiaren bidez egin beharko dira.

Haurrentzako iraupen luzeko ikastaroen artean: Funky, ballet, antzerkia, eskulanak edo pintura. Helduentzako, egur taila, arte aplikatuak, pintura, jostea, serigrafia, edo argazkilaritza. Udalak herritar guztiak animatu zituen ikastaro horietakoren batean izena ematera.