Indarkeria sexistaren aurkako V. topaketa antolatu dute gaur

Indarkeria sexistaren aurkako Matazak mugimenduak bultzatutako pentsamendu feministaren edizio berria egingo dute gaur Gurea antzokian, 9:00etatik 14:30etara. 'Genero-desberdintasunek emakumeen osasunean duten eragina' da edizio honen izenburua. Jardunaldian zehar, emakumeen osasunaren inguruko genero-ikuspegia landuko da.

Horretarako, hainbat hizlari izango dira; bakoitzak bere jakintza-eremutik, osasun-arloan feminismoaren ibilbidea aztertuko dute, eta zaintzak eta generoak osasunaren gain duten eragina jorratuko dute, besteak beste. Era berean, osasun-sisteman emakumeak subjektu aktibo eta ez-pasibo gisa aitortzeko beharra aztertuko dute, generoen alborapenak eta ikuspuntu androzentrikoa ezabatuz, baita genero isuriak osasun arloko adimen artifizialean ere.