Villabona

Irrifesta egingo da Errebote plazan gaur goiz guztian zehar

Irrika Aisialdi elkarteak Irrifesta antolatuko du gaur goizean Villabonako Errebote plazan. Goizeko 10:30etan hasiko da jaia, erraldoien kalejirarekin eta 11:00etan Irritxu aurkeztuko dute.

Ondoren, hainbat txoko irekiko dira, 13:30era arte egongo direnak: janaria, informazioa, memoria jolas erraldoia, bizikletak, Irritxuren bila, eskulanak eta photocall-a.

Gainera, goiz guztian zehar hainbat sorpresa ere izango dituzte Irrifestan parte hartzen dutenek.