Villabona

Joko Garbi eta errebote partidak Behar Zanaren urteurrenean

Behar Zana elkarteak urteurrena ospatzeko hainbat ekitaldi antolatu ditu eta horietako bat izan da igandean Villabonako plazan jokatu ziren joko garbi eta errebote partidak.

Lehenengo Behar Zanako eta Zubieta Pilota Elkarteko gazteek joko garbiko partida jokatu zuten. Etxekoek irabazi zuten, 30-25. Ondoren, Txost Oiartzungo Pilota Kirol klubeko pilotariekin osatutako bi taldeak errebote partida jokatu zuten. Lehia hau Txost taldekoek irabazi zuten 6-10.

Era berean, Adur Otaegik, Paraguayo lagun, Gasteizko Zaramaga Pilota Elkartea txapelketan txapela lortu du infantil mailan Azkoitiko Oteiza Pilota Kirol Elkarteko Etxaniz-Balerdi bikoteari 18-17 irabazita. Bestetik alebin mailan Euskadiko Jokoetan irabazle izan dira Gipuzkoa ordezkatuz Beñat Eizagirre eta Aiert Iraola bikotea Arabako ordezkariei 18-5 eta bizkaitarrei 18-4 irabazita.