Villabona

Kirol Astea antolatu du Udalak lehen aldiz irailaren 23tik 29ra

Lehen aldiz Kirol Astea antolatu du Udalak Herritarren artean jarduera fisikoa eta ongizatea sustatzeko helburuarekin eta, bide batez, kirolak osasunean duen garrantzia nabarmendu nahi dute. Horretarako, egitarau zabala antolatu dute herriko kirol elkarteekin elkarlanean.

Aste guztian kirol ezberdinak probatu ahal izango dira: paleta, bola-jokoa, futbola, joko-garbia, esku-pilota, multiekintzak, pala, joko garbia, halterofilia, txirrindularitza, boleibola eta ipar martxa. Gainera, asteartean, kirolak osasunean duen eraginaren inguruan hitz egingo dute Maider Sierra Minbiziaren Aurka Gipuzkoan Elkarteko kideak eta Iñaki Añorga Jarduera Fisikoa eta Kirolan lizentziatuak Subijana etxean, 18:00etan. Asteazkenean 'Emakumea eta kirola' hitzaldia eskainiko dute Maialen Albistur emaginak eta Alazne Apalantza fisioterapeutak Subijana Etxean 18:00etan.

Ostiralean, Erremontari Herriz Herri jaialdia izango da Behar zana pilotalekuan 18:30ean eta larunbatean Minbiziaren Aurkako Mendi Martxa egingo da goizean eta ekitaldiak izango dira baita plazan. Igandean, Mendi Bizikleta martxa egingo da Malkar plazatik abiatuta 10:00etan eta, ordu berean ipar martxa tailerra emango da bertan. Ondoren, ipar martxa irteera egingo da, doan.