LGTBI+ pertsonen bizitza duinak bermatzeko plana abiatuko du Udalak

Udalak, Eihera Kooperatibarekin elkarlanean, herriko LGTBI+ pertsonen bizi baldintzak hobetzeko neurri eta politika publikoen diseinuari ekingo dio. Horrela, LGTBI+ pertsonen bizitzak hobetzeko neurri, esku-hartze eta ideia ezberdinen bateria sortu nahi du. Plan berri honen nondik norakoak azaltzeko, agerraldi publikoa egingo da asteartean arratsaldeko 17:00etatik aurrera udaletxeko batzar aretoan. Bertan, udal ordezkariez gain, Eihera kooperatibako ordezkariak ere izango dira.

Behar Zana elkartearen urteurrenaren bueltan, Erremonte jailadi berezia izango da Villabonako udal pilotalekuan, urriaren 29an, larunbata, arratsaldeko 16:30ean hasita eta bi partida jokatuko dira: lehenik, Zaldua I-Zaldua II Odei Irazu-Loietegi aurka; bigarrena, Ansa-Juanenea Aldabe-Azpirozen aurka.