Amasa-Villabona

Mireia Modinok egin du Santio jaien kartela

Mireia Modino gazte villabonatarrak irabazi du Santio jaietako egitarauaren portada aukeratzeko lehiaketa. Aurten zazpi proposamen aurkeztu ziren lehiaketara eta guztien artean Modinorena aukeratu du Festa Batzordeak.

Kartelean udaletxea agertzen da, festetako protagonistak izaten diren pertsonaiez inguratuta, besteak beste, erraldoi, buruhandi eta ipotxak, musikari eta dan-tzariak, eta, nola ez, herritarrak. Modinok 400 euroko diru-saria irabazi du.

Amasa-Villabonako, Zizurkil eta Adunako Odol-emaileen Batzordeak datorren ekainaren 28an, ostiralarekin antolatuko du hurrengo odol-emate saioa. Ohi bezala, Gurea zineko erakusketa gelan egingo da odol-ematea, 16:30etik 20:30erako ordutegian. Joan nahi dutenek, aurrez hitzordua hartzea gomendatzen dute 943.007.885 telefonora deituz, momentuan itxaron beharrik ez izateko.

Ostegun honetan, Villabonako an-tzerki tailerrak emanaldia eskainiko du Aljibean 19:30an. 'Ez-perimentua' antzezlana eskainiko dute. Sarrera doakoa da aforoa bete arte.

Larunbat honetan, ekainaren 22an, Oinkari dantza eskolak ikasturte amaierako emanaldia eskainiko du Olaederra Kiroldegian 22:00etan. 'Laminaren Mina' izenburuko ikuskizuna eskainiko dute adin ezberdinetako gazteek. Sarrerak salgai daude jada 5 eurotan Amasa-Villabonako udalaren webgunearen bidez.