Aralar, EA eta Ezker Abertzaleak herrian Gernikako Akordioa aurkeztu dute elkarrekin

Herriko Aralar, Ezker Abertzalea eta Eusko Alkartasunako ordezkariek Gernikako Akordioaren aurkezpena egin zuten elkarrekin, Gabon bezperan, ondoren hau etxez etxe buzoietan banatuz herritar guztiei helarazteko.

Akordioa hau 'bake bidean aterabide demokratikoen akordioa' dugu, irailaren 25ean sinatua Euskal Herriko hainbat eragile politiko, sindikal eta sozialek, konpromiso batzuk hartuz eta eskaerak eginez ETA zein Espainia eta Frantziako gobernuei indarkeriarik gabeko bake egoera eta normalizazio politikora iristeko. Sinatzaileak: Abertzaleen Batasuna, Alternatiba, Aralar, EA, Ezker Abertzalea, EHNE, EILAS, ELB, ESK, HIRU, LAB, Amnistiaren Aldeko Mugimendua, Apaizen Koordinakundea, Bilgune, Femenista, Etxerat, Euskal Herriak Bere Eskola, Euskaria, Ezker Soberanista, Gazte Abertzaleak, Gazte Independentistak, Alternatiba Gazteak, Gazteherria, Gernika Batzordea, Giza Eskubideen Behatokia, Herria 2000 Eliza, Ikasle Abertzaleak, Iratzarri eta Torturaren Aurkako Taldea.