Zero Zabor taldearen azken hitzaldia, gaur arratsaldean

'Zero zabor, posible al da atez atekorik gabe?', hitzaldi zikloari amaiera emateko, gaur osteguna, alde zaharrean izango da hitzaldia, Dotorekua etxea eraikineko lehen solairuan, (Zigordia 31), arratsaldeko zazpietan. Iazko urte bukaeran Azken Portu auzoan hasi eta Vista Alegre, Iñurritza eta Mitxelena auzoetatik pasa ondoren, hitzaldi zikloari bukaera alde zaharrean emango zaio.

Hitzaldiaren aurkezpena Zarautz Zero Zaborreko kide batek egingo du, ondoren gaian aditua eta aritua den Mikel Ikatzategi, Gipuzkoako Zero Zaborreko kideari lekukoa emanez. Hitzaldian herritarren kezka eta zalan-tzak argitzeko aukera izango da.