Errenteriako Donostia kalearen zati bat itxita egongo da hiru astez

Errenteriako Donostia kalearen zati bat itxita egongo da hiru astez datorren astelehenetik, abuztuaren 17tik, aurrera, saneamenduaren mantentze lanak egiteko. Diputazio plazako saneameduaren berritze lanekin hasi da Udala eta aparkaleku batzuk kendu dira horretarako.

Udaletik adierazi dutenez, itxierak honako ondorio hauek izango ditu: Hondarribia kaletik datozen ibilgailuak Diputazio plazara iristean ezkerraldeko norabidea hartu beharko dute; Donostia kaleko 15 eta 16 zenbakietan dauden 3 garajeen sarrera eta irteera Irun kaletik egingo da; eta banaketako ibilgailuek ezingo dute Donostia kalea zeharkatu eta behar duten kasuetan Irun kaletik sartuko dira. Hiru aste hauetan sarbide honetako pibotea jaitsita egongo da.