Fraisoro laborategiak II. Nazioarteko Sagardo Lehiaketan parte hartuko du

Datorren azaroaren 23an Donostiako Kursaal Kongresu Jauregiaren egongo den II. Nazioarteko Sagardoaren Lehiaketan parte hartuko du Fraisoro Laborategiak. Fraisoro, Gipuzkoako Foru Aldundiaren ingurumen eta nekazal laborategiko dastatze-taldeak, sagardogileek, enologoek, Aldundiko teknikariek eta Fraisoroko laborategiko ordezkariek osatzen dute eta, ISO-UNE-EN 17025 arautegiaren arabera, ENAC-en bitartez sagardoan akreditaturik dagoen bakarra da.

Talde horrekin batera, mundu zabaletik iritsitako izen handiko dastatzaileak arituko dira (sumillerrak, enologoak, sukaldariburuak, kazetariak, gastronomia-blogariak, etab.). Hauek lehiaketara aurkezturiko kategoria bakoitzeko sagardorik onenak zeintzuk diren erabakiko dute: Euskal Herrian ekoiztutako sagardoa, sagardo natural asturiarra, sagardo tradizional frantsesa, sagardo tradizional ingelesa, sagardo berriak, «premium» sagardo apardunak, «apfelwein» sagardoa, zaporetako sagardoa eta udardoa, eta izotzezko sagardoak.

Gainera, Agurtzane Andueza, Fraisoro laborategiko zuzendaria, eta Ana López, laborategiko goi mailako teknikaria, III. Sagardo Forumeko Nazioarteko Sagardoaren Lehiaketan aurkezturiko sagardoak hartzeaz eta katalogatzeaz arduratuko dira.