Izarok Olaia Inziarte artistari idatzitako kanta

Izarok «Olaiari eta Olaiarentzat» idatzitako kanta da 'Saldu genizun', maitasuna eta erresilientziari eginiko poema txiki bat. Oronoz-Mugairiko musikariak zaldiekiko duen maitasunean egosia, kantu hau «besarkada bat» da, «zaintzan oinarritutako laguntasun mezu bat», dio abeslariak. «Behar genuen duoa; konplizitatea eta aiurria». Izaro limoiak zukutzen eta Olaia lepoari eusten egon ostean, zaldiak dituztela jakinda, pottoka bat salduko digute 'Saldu genizun' abestian.

Valeria Castro kanariarrarekin eta Baiuca elektronikako musikari eta ekoizle galiziarrarekin elkarlanean aritu ondoren, Izarok BECeko Bizkaia Arenan maiatzaren 31n eskainiko duen kontzertuan zuzenean estreinatuko duen hirugarren kolaborazioa izango da 'Saldu genizun' abestia. Izan ere, Cerodenero bira bukaeraren opari gisa, miresten duen jendeari eginiko kantu bilduma bat osatzen ari da mallabiarra, eta hirugarrena Olaia Inziarte musikariari eskaini nahi izan dio.

Olaiaren 'Lehengo Lepotikan Burua' lehen diskoak «txundituta» utzi zuen artista mallabiarra; «bat-bateko konexioa» sentitu zuen abesti horien atzean zegoen pertsonarekin, haize freskoaren antzera sartu zitzaion bere musika barrura arte, eta guztiz identifikatuta sentitu zen hainbat mezu eta pentsamendurekin. Hori horrela, lotura berezi horren emaitza .

Olaia Inziartek bere bigarren lana argitaratu berri du 'Zerrautsa' eta bera izango da Izaroren Cerodenero agur kontzertua irekiko duena, maiatzaren 31an Bizkaia Arenan. Emanaldi honetan parte hartuko duten beste gonbidatuak izango dira Baiuca, Olatz Salvador, Valeria Castro, Miki Núñez, Martin Urrutia, Esanezin eta Janus Lester.