'Mundua 4 zaporetan margotuta' erakusketa ikusgai Igartubeiti Baserri Museoan

Igartubeiti Baserri Museoan 'Mundua 4 zaporetan margotuta' erakusketa izango da ikusgai urte amaiera arte. Euskal kulturaren eta sukaldaritzaren jatorria eta berezitasuna ezagutzeko osagai desberdinak eskainiko ditu, hala nola beste zibilizazio batzuen ekarpenak, kondairak, uztartzeak edo errezetak.

Museotik adierazi dutenez, «gure sukaldaritzako lau saltsa enblematiko hauen historiaren bidez, hobeto ulertuko dugu euskal gastronomia. Kontinente guztietatik etorritako osagaiak dituzten lau elaborazio. Gure geografia kostaldetik barrualdeko mendietaraino zeharkatu dute, hirietan finkatuz, eta munduko toki guztietara iritsiz nabigatzaile, arrantzale, monje, etorkin, gastronomo, sukaldari, bidaiari eta turisten bitartez».

Erakusketak hainbat espazio berezitan zehar bidaiatuko du denboran zehar. Bisitariek euren mugikorra erabiliz egin ahal izango dute bisita autogidatua, eta gastronomia-liburutegiaz gozatzeko eta 'euskal erara' erretratatzeko aukera izango dute, sukaldari, artzain edo arrantzale jantzita. Gainera, hainbat jarduera espezifiko diseinatu dira Gastromuseums sarearen eskutik, hala nola bisitaldiak dastaketekin eta familientzako tailerrak.

Erakusketan barneratzeko, bisita mota desberdinak antolatu dira. Bisita autogidatua soilik egiteko aukera izango da, doan, edo gilda pintxoa eta sagardo koparekin, 6 euroko prezioan, edo txokolatezko piruleta eta sagar zukuarekin, 3 eurotan (hamalau urte arteko haurrentzat).

Bestalde, museo gastronomikoaren sareak bi dastaketa berezi antolatu ditu, lehena uztailaren 30ean izango da eta bigarrena abuztuaren 20an, biak 12:30etan. Parte hartu ahal izateko beharrezkoa izango da aurrez izena ematea, online, edo ondorengo telefonoa zenbakietara deituz: 618 00 41 31; 943 72 29 78; eta 943 72 51 07

'Mundua 4 zaporetan margotuta' erakusketa Euskadi Gastronomikak diseinatu du, Basquetour Turismoaren Euskadiko Agentziak eta Eusko Jaurlaritzako Turismo, Merkataritza eta Kontsumo Sailak sustatutako sareak.

• Temas
• Gastronomía